दशैंमा रगत अभाव हुन नदिन वुमन चेम्बर अफ कमर्श ट्रेड एण्ड हेल्थ कमिटिको रक्तदान कार्यक्रम

काठमाडौं – वुमन चेम्बर अफ कमर्श ट्रेड एण्ड हेल्थ कमिटिले दशैंमा रगत अभाव हुन नदिन रक्तदान कार्यक्रम गरेको छ ।

बसन्तपुरमा आयोजित उक्त रक्तदान कार्यक्रम करिब ५० जनाले रक्तदान गरेका छन् ।

रक्तदान कार्यक्रममा वुमन चेम्बर अफ कमर्शकी अध्यक्ष अन्जान शाक्य, अन्य प्रतिष्ठित महिला उद्यमीहरु, चेम्बर सम्बद्ध ब्यवसायी, कर्मचारी एबम् शूभेच्छुकहरुले रक्तदान गरे ।

‘दशैको बेलामा रगतको अभाव नहोस् भन्नका लागि रक्तदान कार्यक्रमको आयोजना गरिएको हो’ कार्यक्रम आयोजना गर्नूको उदेश्य बारे प्रकाश पार्दै वुमन चेम्बर अफ कमर्शकी सह–अध्यक्ष उर्मिला श्रेष्ठले बताइन ।

सो रक्तदान कार्यक्रम नेपाल चेम्बर अफ कमर्श, साल्ट ट्रेडिङ् कर्पोरेशन लिमिटेड, भक्तपुर क्यान्सर अस्पताल, बोबी मेडिसिन सप्लायर्स, एभियोन्ट सोलुसन र स्क्रीन प्रिन्टको सहयोगमाझ सन्चालन भएको हो ।