देशभक्त नागरिक एकजुट हुने समय आइसकेको छ : मनिषा कोइराला

काठमाडौं, पुस २१ – देशभक्त नागरिक एकजुट हुनुपर्ने बेला आएको अभिनेत्री मनिषा कोइरालाले बताएको छन्। २ सय ९९ औँ पृथ्वी जयन्ती तथा राष्ट्रिय एकता दिवसको अवसरमा आयोजित एक कार्यक्रममा उनले भनिन्, ‘सबै एकजुट भएपछि मात्रै स्वाभिमानको साथ बाँच्न सकिन्छ।’ 

राष्ट्रिय एकता दिवसको आफ्नै महत्व भएको उनले दर्शाइन्। ‘देशलाई माया गर्नेहरु सबै एक ठाउँमा आउनुपर्छ, एकीकृत भएर आवाज दिन सक्नुपर्छ,’ उनले भनिन्, ‘सबैलाई आफ्नो देशको माया हुन्छ। नेपालीलाई नेपालको र भारतीयलाई भारतको माया हुन्छ।’ 

केही समयअघि नेपाल भारत सीमा विवादबारे ट्विट गरेपछि भारतीय मिडिया उनीप्रति खनिएका थिए।