दैनिक मृतकको संख्या एक सयबाट तल झर्‍यो, कुल मृतकको संख्या सात हजार नाघ्यो

काठमाडौं, जेठ १४ – अघिल्लो दिन बिहीबार १०६ जना कोरोना संक्रमितको मृत्यु भए पनि आज उक्त संख्या एक सयबाट तल झरेको छ । पछिल्लो २४ घण्टामा ९६ जना संक्रमितको मृत्यु भएको स्वास्थ्य तथा जनसंख्या मन्त्रालयले जनाएको छ ।

यो सँगै नेपालमा कोरोना भाइरसको संक्रमणबाट मृत्यु हुनेको संख्या ७ हजार नाघेको छ । आज शुक्रबारसम्म कुल ७ हजार ४७ जना संक्रमितको मृत्यु भएको छ ।