दोस्रो आइएमई जेटीआई ग्राण्ड जुनियर एकल ओपन टेनिस टुर्नामेन्ट हुने

काठमाडौ-  आइएमई  ग्रुपको संस्थागत समाजिक उत्तरदायित्व अन्तर्गत संचालित कार्यक्रमको निरन्तरता अन्तर्गत यसपटक पनि दोस्रो आइएमई जेटीआई ग्राण्ड जिनियर एकल ओपन टेनिस टुर्नामेन्ट हुने भएको छ ।

सो को आज एक कार्यक्रम गरीजानकारी गराईयो । यसपटक भने आउदो बैशाख२ गतेदेखि त्रिपुरेश्वर स्थित दशरथ रंगशालामा हुने भएको हाे ।

कूल ३२६,०० अक्षरुपी तीन लाख छब्बिस हजार पुरस्कार राशीको सो प्रतियोगितामा देशभरका ८ देखि १४ वर्ष उमेर समूहको १५० जनाले प्रतिष्पर्धा गर्ने अपेक्षा आयोजकले लिएकाछन् । खेलमा सहभागी हुनको लागि आज (५ गत ) देखि २५ गतेसम्म दशरथ रंगशाला टेनिस कम्प्लेक्स त्रिपुरेश्वर, नेपाल टेनिस एशोसिएसन सातदोबाटो ललितपुर,मण्डिखाटार टेनिसकोर्ट मण्डिखाटार, नाउलिङ्ग स्पोर्ट भिल्ला सुन्दरबस्ती भंगाल र आइएमई कम्प्लेक्स पानीपोखरीमा बुझाउनुपर्नेछ । आवदेन फारम आईएमईको आधिकारिक वेभ पेजमा पनि उपलब्ध गराईएको छ ।

पत्रकार सम्मेलनमा आइएमई फाउण्डेशनका सदस्य सचिव अञ्जली अर्याल(ढकाल), नेपाल टेनिस संघका उपाध्यक्ष केशवराज उपाध्याय, आइएमई फाउण्डेसनका सदस्य राजु पौडेल र जुनियर टेनिस एशोसिएसनको तर्फबाट कृष्णराज घलेको उपस्थिति रहेको थियो ।