नबिल बैंक र तयारी पोशाक उत्पादन संघबीच सम्झौता

काठमाडौं, चैत २३ – नबिल बैंक र तयारी पोशाक उत्पादन संघबीच स्थानिय तयारी पोशाक उत्पादन व्यवसायीहरुलाई आवश्यकताअनुसार बैंकको कर्जा नीतिको अधिनमा रहेर विभिन्न बैंकिङ्ग सेवा प्रदान गर्ने समझ्दारी भएको छ ।

सम्झौतापत्रमा बैंकका एस.एम.ई. तथा लघुवित्त प्रमुख निरज कुमार बस्नेत (डनिल) र संघका अध्यक्ष किशोर नेपालले हस्ताक्षर गरेका छन् ।

यस रणनीतिक साझेदारीसँगै बैंकले देशको आर्थिक विकासमा योगदान पुर्‍याउने लक्षयका साथ स्थानीय तयारी पोशाक निर्माताहरुलाई उनीहरूको व्यवसाय बढाउन आवश्यक साना तथा मझौला कर्जालगायत बिभिन्न बैंकिङ्ग सुविधा उपलब्ध गराउने छ ।

स्थानीय व्यवसायको उत्थानसँगै दिगो सीपको विकास, उत्पादनमा बृद्धि, रोजगारी सिर्जना र सजिलो वित्तिय पहुँचको माध्यमबाट सम्भव रहेकाले बैंकले यस्तो समझदारी गरेको बस्नेतले बताए ।