नेपालमा फेरी थपियो १० जना कोरोना संक्रमित, जम्मा संक्रमित संख्या १२०

काठमाडौं बैशाख २९, नेपालमा कोरोना संक्रमितको संख्या १२० पुगेको छ । पछिल्लो समय थप १० जनामा कोरोना संक्रमण भेटिएको छ ।

राष्ट्रिय जनस्वास्थ्य प्रयोगशाला काठमाडौंको प्रयोगशालामा गरिएको परिक्षण अनुसार नयाँ पुष्टि संख्या १० रहेको छ ।

उनीहरु कपिलवस्तु, यशोधरा गाउँपालिका ५ र बुद्धभुमि नगरपालिका ७ र १० निवासी १८, १८, २०, २०, २४, ३०, ३१, ३४, ३४ वर्षिय पुरुषहरु तथा एक जना अर्का उमेर नखुलेका पुरुष रहेका छन् ।

उनीहरु सबैको स्वास्थ्य अवस्था सामान्य रहेको स्वास्थ्य तथा जनसंख्या मन्त्रालयका सह प्रवक्ता डा समिरकुमार अधिकारीले बताएका छन् ।