पत्रकार अवस्थी महासंघको उपमहानिर्देशकमा नियुक्त

काठमाडौं, पुस २ – अग्रज आर्थिक पत्रकार गोकर्ण अवस्थी नेपाल उद्योग वाणिज्य महासंघको उप महानिर्देशकमा नियुक्त भएका छन् । पुस १ गते बुधबारबाट कार्यभार सम्हाल्ने गरी उनले सो जिम्मेवारी पाएका हुन् ।

महासंघ स्रोतका अनुसार नेपाल उद्योग वाणिज्य महासंघको नवनिर्वाचित कार्यसमितिले उनलाई सो पदमा जिम्मेवारी सहित नियुक्त गरेको हो ।  

अवस्थी लामो समयसम्म आर्थिक पत्रकारिता गरेका व्यक्ति हुन् । उनले नेपालमा स्थापित सञ्चारमाध्यमहरूका अलवा अन्तर्राष्ट्रिय र बहुराष्ट्रिय संघ संस्थाहरूमा अनुसन्धानकर्ताको रुपमा काम गरिसकेका छन् । 

उनलाई नेपाली आर्थिक पत्रकारिता क्षेत्रका एक विज्ञ अनुभवी र स्थापित व्यक्तित्वका रुपमा चिन्ने गरिएको छ । अवस्थीले नेपालको अन्तर्राष्ट्रिय व्यापारको क्षेत्रमा लामो समयसम्म कलम चलाएका छन् ।