पत्रकार विनय कसजूको निधन

काठमाडौं,मंसिर १० -वरिष्ठ पत्रकार विनय कसजूको निधन भएको छ। कसजूको ललितपुरको नख्खुस्थित मेडिसिटी अस्पतालमा उपचारका क्रममा मंगलबार निधन भएको हो । कात्तिक १९ गते निमोनियाका कारण उनी मेडिसिटी अस्पतालमा भर्ना भएका थिए ।

कसजू सूचना आयोगका संस्थापक प्रमुख आयुक्त हुन्। सूचना हक तथा सूचना आयोगको स्थापनाका लागि कसजूले महत्वपूर्ण भूमिका निर्वाह गरेका थिए। नेपाली भाषा साहित्यमा आधा दशकभन्दा बढी समयदेखि निरन्तर सक्रिय कसजू नेपाली पत्रकारिता क्षेत्रका पनि विशिष्ट व्यक्ति हुन् ।

उनको जन्म पाल्पाको तानसेनमा सन् १९४७ जुलाई १८ का दिन भएको थियो ।