पत्रकार सम्मेलनमा पत्रकारको प्रश्नमा भड्किए राष्ट्रपति ट्रम्प

एजेन्सी
ह्वाइट हाउसको कोरोनाभाइरस टास्क फोर्सको पत्रकार सम्मेलनमा अमेरिकी राष्ट्रपति डोनल्ड ट्रम्पले पछिल्लो केही दिनदेखि नयाँ संक्रमितको संख्या स्थिर भएको जानकारी दिएका छन् ।

ट्रम्पले सोमबारको पत्रकार सम्मेलनमा भने, ‘न्यूयोर्क, न्यू जर्सी, मिशिगन र लुसियानाजस्ता हटस्पटमा अस्पताल भर्ना हुने प्रक्रिया सुस्त भएको छ । किनभने अमेरिकीले निर्देशनको पालना गरिरहेका छन् । तपाईं चार्ट पनि हेर्न सक्नुहुन्छ । सुरुमा एक लाख बढी मृत्यु हुने बताइएको थियो । हाम्रो संख्या कम हुनेछ । यसको ठोस् प्रमाण यो हो कि हाम्रो आक्रामक नीतिले काम गरिरहेका छन् ।’

उक्त पत्रकार सम्मेलनमा ट्रम्प अमेरिकी मिडियामा कोरोनाभाइरसबारे समाचार सम्प्रेषणका लागि पत्रकारसँग रुष्ट देखिए । ट्रम्पले एउटा भिडियो देखाउँदै त्यसलाई नक्कली समाचारको प्रमाण बताए । ट्रम्पले भने, ‘म आलोचकहरुलाई महत्व दिन्नँ तर जब आलोचना गर्नेहरु गलत हुन्छन् तब भन्न आवश्यक छ ।’

जब सिबिएसकी पत्रकार पाउला रीडले ट्रम्पलाई उनले फेब्रुअरी महिनामा कोरोनाभाइरसको संक्रमण रोक्नका लागि के काम गरे भनेर सोधिएको प्रश्न जवाफ दिन अस्विकार गरिरहे । अन्त्यमा ट्रम्प पाउला रीडमाथि भड्किँदै भने, ‘तपाईं झुटो हुनुहुन्छ भनेर तपाईंलाई थाहा छ रु के तपाईंलाई थाहा छ रु तपाईंको पूरा कभरेज गलत छ ।’