पेट्रोलियम पदार्थको मूल्य फेरी घट्यो

काठमाण्डौँ — नेपाल आयल निगमले पेट्रोल र डिजेलको मूल्य समायोजन गरेको छ।

‘स्वतः स्वचालित मूल्य संरचना’ अनुसार इण्डियन आयल कर्पोरेशन (आईओसी)बाट प्राप्त पेट्रोलियम पदार्थको नयाँ खरिद मूल्य अनुसार निगमले मंगलवार साँझ पेट्रोल, डिजेल र मट्टितेलमा प्रतिलिटर २ रुपैयाँ घटाएको हो।

निगमको यो निर्णय मंगलबार मध्यरातिबाट लागू भएको छ।

नयाँ मूल्यअनुसार पेट्रोल प्रतिलिटर ११० रुपैयाँ र डिजेल/मट्टितेल ९७ रुपैयाँ कायम भएको छ। हवाई इन्धन र एलपि ग्यासको मूल्य भने यथावत छ।

अन्तर्राष्ट्रिय बजारमा पेट्रोलियम पदार्थको मूल्यमा पुनः केही कमी आएको र अमेरिकी डलरसँग नेपाली मुद्रा पनि केही बलियो भएकाले पनि मूल्य समायोजनमा सघाउ पुगेको निगमले जनाएको छ।

निगमले यसअघि मंसिर १७ गते पेट्रोल, डिजेल र मट्टितेलमा प्रतिलिटर २/२ रुपैयाँ समायोजन गरेको थियो।