पेट्रोलियम पाइपलाइनको उद्घाटन डिजिटल माध्यमबाटै, वार्षिक ८० करोड बचत हुने

काठमाडौं– प्रधानमन्त्री केपी शर्मा ओली र भारतका प्रधानमन्त्री नरेन्द्र मोदीले पेट्रोलियम पाइपलाइनको उद्घाटन गर्दै छन् ।

भारतको मोतिहारीदेखि बाराको अमलेखगञ्जसम्म बनेको पेट्रोलियम पाइपलाइन मंगलबार उद्घाटन हुन लागेको हो ।

पाइपलाइनको उद्घाटन दुबै देशका प्रधानमन्त्रीले एकैसाथ स्वीच थिचेर उद्घाटन गर्ने कार्यक्रम तय भएको छ ।

उद्घाटनसंगै मंगलबारबाट पाइपलाइनबाट नियमित तेल आउँनेछ । पाइपलाइनबाट दैनिक रूपमा ३० हजार किलोलिटर तेल आउँनेछ ।

पाइपलाइनबाट तेल भित्रिँदा वार्षिक ७० देखि ८० करोड बचत हुने र तेल चोरी पनि कम हुने विश्वास निगमले लिएको छ ।