प्रधानमन्त्रीका प्रेस सल्लाहकार थापालाई कोरोना, दुई डोज कोभिसिल्ड लगाएकामा पनि देखियो संक्रमण

काठमाडौं, वैशाख २५ – प्रधानमन्त्री केपी शर्मा ओलीका प्रेस सल्लाहकार सूर्य थापालाई पुनः कोरोना भाइरसको संक्रमण पुष्टि भएको छ । थापासँगै प्रधानमन्त्रीका प्रमुख स्वकीय सचिव इन्द्र भण्डारीलाई पनि कोरोना भाइरस संक्रमण पुष्टि भएको छ । थापा र भण्डारीलाई भाइरसको पहिलो लहरमा पनि संक्रमण भएको थियो ।

प्रधानमन्त्रीसहित उनको सचिवालयका एक दर्जन व्यक्तिमा भाइरस परीक्षण गरिएको थियो । प्रधानमन्त्री ओलीको भने कोरोना नेगेटिभ आएको छ ।

दुवै डोज कोभिसिल्ड खोप लगाएका सचिवालयमा कार्यरत रुपेश आचार्यको नतिजा पनि पोजेटिभ आएको छ ।