प्रहरी जवानको सकृयतामा चोरीको स्कुटर र चोर प्रहरी नियन्त्रणमा

काठमाडौं, २३ फाल्गुण- पार्किङ गरि राखिएको अवस्थामा चोभारबाट चोरीको स्कुटर समातिएको छ ।२१ गते राती करिब १० बजे टौदह स्थित घरमा पार्किङ गरेर राखेको बा ७६ प ७९८ नम्बरको स्कुटर चोरी भएको थियो। सवारी साधन हराएको २१ घण्टा भित्रमा प्रहरीले फेला पारेको हो । उक्त स्कुटर किर्तिपुरका प्रहरी जवान केशर महताराले बिहीबार साझ सात बजे चोभारबाट नियन्त्रणमा लिएका हुन् । सो स्कुटर तीन जना व्यक्तिको मिलेमतोमा चोरिएको पुष्टि भएको छ । प्रहरीले अनुसन्धान गर्दै जादाँ चोरले स्कुटर चोरी गरि आफू बस्ने घरको पार्किङमा लुकाएर राखेको अवस्थामा फेला पारेको थियो ।

प्रहरी जवान महताराले हालसम्म कीर्तिपुरबाट मात्रै ६७ वटा चोरीका बाइकहरु समातिसकेका छन्। त्यसैगरी उनले ब्राउन सुगर, १ केजि चरेस समेत बरामद गरिसकेका छन्। साथै, उनले गोप्य सूचनाको आधारमा किर्तिपुरको वडा न ४ सल्यानथानमा १० हजार लिटर अवैध घरेलु मदिरा समेत नष्ट गरेका थिए ।

किर्तिपुरमा आएको दुई महिनामै उनले धेरै उपलब्धि हासिल गरेका छन् । उनको कामलाई स्थानियवासीले प्रशंसा गर्ने गरेका छन् । किर्तिपुरका प्रहरी प्रमुख डिएसपी छेदिलाल कामतीले समेत उनको प्रशंसा गरेका छन् ।यस्ता उपलब्धि कै कारण उनी किर्तिपुर नगर मै चर्चामा छन्। विशेषतः उनको काम गर्ने शैली र अहोरात्र खटार्इका कारण उनले सफलता हात पार्न सफल भएका छन् ।