फिल्म ‘कृष्ण–लीला’को फष्टलुक सार्वजनिक

काठमाडौं, चैत १ – नयाँ वर्ष २०७८ को अवसर पारेर प्रदर्शनमा २७ चैत्रमा प्रदर्शन हुन लागेको फिल्म ‘कृष्ण–लीला’को  फष्टलुक सार्वजनिक भएको छ ।यस अगाडि ‘कुनै दिन यस्तो पनि..’ र ‘डियर बन्न मन छ’ बोलका दुई गीत सार्वजनिक गरेको फिल्मको फष्टलुकमा अभिनेता पुष्प खड्काको भिन्न अवतार देख्न सकिन्छ ।

दीपक ओलीको निर्देशन रहेको फिल्मको फष्टलुमा पुष्पले एंग्री बर्डको टिर्सट लगाएर हातमा डटपेनले कोरेको घडी बनाएको देख्न सकिन्छ ।फिल्मको कथा अनुसार पुष्पको यो लुक्स तयार भएको निर्देशक ओलीले बताए ।

रोहित कट्टेलको प्रस्तुति रहेको फिल्ममा पुष्पको अलवा  बुद्धि तामाङ, रबिन्द्र झा, नवीन रेग्मी, हिउँवाला गौतम, भावना गुरुङ, आयुष गुराँगाई, आयुषा क्षेत्री, पिताम्बर आचार्य लगायतका कलाकारको अभिनय देख्न सकिनेछ ।आरआर फिल्म प्रोडक्डसनको ब्यानरमा निर्मित फिल्मको कार्यकारी निर्माता रत्न श्रेष्ठ हुन्, भने निर्मातामा प्रकाशराज कार्की र केवल तामाङ अनि सहनिर्मातामा पिताम्बर आचार्य र रोजन श्रेष्ठ रहेका छन् ।

आरआर फिल्म प्रोडक्सनले बितरण गर्ने फिल्म शिब ढकाल र बाबु श्रेष्ठ हुन् ।इलाम, झापा र पाँचथरका बिभिन्न स्थानमा खिचिएको फिल्मको लेखन लक्ष्मण सुवेदी, द्धन्द्ध श्री श्रेष्ठ, संगीत अर्जुन पोखरेल र कोरियोग्राफी रामजी लामीछानेको छ । फिल्म प्रेमकथामा रहेको बताइएको छ ।