ब्राजिलमा कोरोनाबाट मृत्यु हुनेको संख्या १ लाख २० हजार नाघ्यो

काठमाडौं, भदौ १४ –  ब्राजिलमा कोरोना भाइरुस (कोभिड–१९) को कारण मृत्यु हुनेको संख्या एक लाख २० हजार नाघेको छ ।

ब्राजिलको स्वास्थ्य मन्त्रालयका अनुसार अहिलेसम्म ब्राजिलमा कोरोना भाइरस संक्रमणबाट एक लाख २० हजार २६२ जनाको मृत्यु भएको छ । पछिल्लो २४ घण्टामा मात्र ब्राजिलमा कोरोना भाइरसको कारण ७५८ जनाको मृत्यु भएको छ ।

त्यस्तै ब्राजिलमा अहिलेसम्म कोरोना भाइरसबाट संक्रमित हुनेको संख्या ३८ लाख ४६ हजार १५३ पुगेको छ । पछिल्लो २४ घण्टामा मात्र ब्राजिलमा ४१ हजार ३५० जना नयाँ संक्रमित फेला परेका हुन् । ब्राजिल कोरोना भाइरसका संक्रमित र मृतक संख्याको हिसाबले दोस्रो सबैभन्दा प्रभावित मुलुक हो । पहिलो स्थानमा अमेरिका छ । ब्राजिलमा पछिल्लो केही समययता कोरोना भाइरसका नयाँ संक्रमित र मृतक संख्याको वृद्धिदर केही घटेको छ ।