भारतमा अर्को महिनादेखि कोरोनाविरुद्धको खोप लगाउन सुरू गरिने

काठमाडौं, पुस ३ – भारतमा आगामी जनवरीदेखि नै कोभिड–१९ विरुद्धको खोप लगाउन सुरू गरिने भएको छ । बीबीसीमा प्रकाशित एक समाचारअनुसार सार्वजनिक स्वास्थ्य अधिकारीहरूले अबका केही हप्तामै खोपहरू आपत्कालीन प्रयोगका लागि स्वीकृत हुन सक्ने हुँदा खोप कार्यक्रम छिट्टै सुरू गरिने बताइएको छ । 

अहिलेसम्म दुईवटा कम्पनीले यसका लागि आवेदन दिइसकेका छन् भने अन्य ६ वटा चाहिँ क्लिनिकल ट्रायलको विभिन्न चरणमा रहेको बताइएको छ । 

यो खोप कार्यक्रम अगस्टसम्म ३० करोड जनतामाझ पुर्याउने लक्ष्य रहेको छ । भारतमा अहिले कोरोना संक्रमितहरुको सङ्ख्या १ करोड पार गरिसकेको छ भने १ लाख ४४ हजार भन्दा धेरै बिरामीको मृत्यु भइसकेको छ ।