भारतमा कोरोना संक्रमितको संख्या ९० लाख नाघ्यो

काठमाडौँ, मंसिर ५ – कोरोना भाइरसको महामारी अहिले सारा विश्वमा नै व्याप्त छ । कोरोना भाइरसका कारण हालसम्म विश्वमा १३ लाख ६५ हजार ४६१ जनाको मृत्यु भएको छ भने ५ करोड ७२ लाख ३१ हजार ६३५ जनालाई संक्रमण भएको छ ।

त्यस्तै ३ करोड ९७ लाख २० हजार ७२१ जना संक्रमण मुक्त भएका छन् भने १ लाख १ हजार ७९६ जनाको स्वास्थ्य अवस्था गम्भीर रहेको छ । विश्वमा बिहीवार मात्रै ६ लाख ४७ हजार ६३७ जना संक्रमित थपिएका छन् भने १० हजार ७५८ जनाको मृत्यु भएको छ । यसैबीच भारतमा १ लाख ३२ हजार २०२ जनाको मृत्यु भएको छ भने ९० लाख ४ हजार ३२५ ज्नालाई संक्रमण भएको छ ।

त्यस्तै ८४ लाख २७ हजार १६ जना संक्रमण मुक्त भएका छन् भने ४ लाख ४५ हजार १०७ जना उपचाररत छन् ।

त्यस्तै ८ हजार ९४४ जनाको स्वास्थ्य अवस्था गम्भीर रहेको छ । भारतमा बिहीवार मात्रै ४६ हजार १८२ जना संक्रमित थपिएका छन् भने ५८४ जनाको मृत्यु भएको छ ।