भारतमा कोरोनाबाट थप ५८५ जनाको मृत्यु : मृत्यु हुनेको संख्या एक लाख ३१ हजार ५७८ पुग्यो

काठमाडौं, मंसिर ४ – छिमेकी मुलुक भारतमा कोरोनाको संक्रमण तिब्र गति बढीरहेको भए पनि पछिल्ला केहि दिनमा घट्दै गएको देखिएको छ । भारतीय स्वास्थ्य मन्त्रालयले दिएको पछिल्लो अपडेट अनुसार २४ घण्टामा कोरोनाबाट ५८५ जनाको मृत्यु भएको छ ।

भारतमा अहिले कुल मृत्यु हुनेको संख्या एक लाख ३१ हजार नाघेको छ । भारतमा अहिलेसम्म मृत्यु हुनेको संख्या एक लाख ३१ हजार ५७८ पुगेको छ ।

त्यस्तै पछिल्लो २४ घण्टामा ४५ हजार ५७६ जना संक्रमित पुष्टि भएको छ ।  योसँगै भारतमा अहिलेसम्म कोरोना संक्रमितको संख्या ८९ लाख नाघेको छ । भारतमा कुल संक्रमित ८९ लाख ५८ हजार ४८४ पुगेको छ ।