भारतमा थपिए अहिलेसम्मकै धेरै ९६ हजार ५५१ जना कारोना संक्रमित

काठमाडौं, भदौ २६ – भारतमा पछिल्लो २४ घण्टामा अहिलेसम्मकै धेरै कारोना संक्रमित थपिएका छन् ।

सरकारी अधिकारीहरुका अनुसार पछिल्लो २४ घण्टामा ९६ हजार ५५१ जना कोरोना भाइरसबाट सङ्क्रमित भएका छन् ।

त्यस्तै सोही अवधिमा कोरोनाकै कारण एक हजार २०९ जनाको मृत्यु भएको पनि अधिकारीहरुले जानकारी दिएका छन् ।

भारतमा अहिलेसम्म कुल ४५ लाखभन्दा बढी सङ्क्रमित भएको विवरण सार्वजनिक गरिएको छ ।

त्यस्तै अहिलेसम्म भारतमा कोरोना कै कारण ७६ हजार बढिले ज्यान गुमाएका छन् ।