मानुङकोट भ्रमणका लागि आएका युवा मृत अवस्थामा फेला

तनहुँ, ०३ मंसिर- क्याम्प फायरका लागि भनी मानुङकोट आएका एक युवकको सुतिरहेको अवस्थामा मृत्यु भएको छ । मृत्यु हुनेमा शुक्लागण्डकी नगरपालिकाका-३५ बर्षीय सागर थापा रहेका छन् ।

स्थानीयको घरमा सुतिरहेका थापा बुधबार बिहान अचानक मृत अवस्थामा फेला परेको तनहुँ प्रहरी प्रमुख प्रहरी उपरिक्षक अरुण पौडेलले बताए । थापा साथीहरुसंग मानहुँकोट घुमफिरका लागि आएका थिए ।

मृत्यु के कति कारणबाट हुन गएको हो भन्ने विषयलाई लिएर घटनाको गम्भीरताका साथ अनुसन्धान भैरहेको उपरिक्षक पौडेलले जानकारी दिए।