मिस नेपाल एसईई २०२० को उपाधि रेजिनालाई

काठमाडौं-सम्पदा गार्डेन रिसोर्ट, काठमाडौमा अभ्यानी प्रोडक्सनको आयोजना भएको ‘मिस नेपाल एसईई २०२०’ को उपाधि रेजिना लिम्बूले जितेकी छिन्। यसैगरी प्रतियोगीतामा फस्ट रनरअप सिल्भिया केसी बनिन् र सेकेन्ड रनरअपको उपाधि सुबिका पौडेलले हात पारिन्। प्रदेशतर्फको उपाधिभने बागमती प्रदेशमा महिमा महतो, १ नम्बर प्रदेशको उपाधि रोमी राई र ५ नम्बर प्रदेशको उपाधि बिमिका थापा मगरले जितिन्।’

मिस नेपाल एसईई २०२०’ को उपाधि जितेका विजेताहरुले उच्च शिक्षाको लागि छात्रवृत्ति, ट्रफी, क्राउन, गिफ्ट ह्याम्परहरु साथै विभिन्न पुरस्कारहरु हात पारे।विजेताले फिलिपिन्समा हुने अन्तराष्ट्रिय सौन्दर्य प्रतियोगिता मिस टिन टुरिज्ममा प्रतिनिधित्व गर्नेछिन्।

त्यसैगरी मिस पपुलरको उपाधि महिमा महतो, ब्युटि विथ परपोस सायक्सा सुनुवार तथा फेसन आइकनको उपाधि सायना पन्थी, मिस ट्यालेन्ट प्रेरना थापा मगर, मिस भ्युअर्स च्वाइस सन्ध्या अधिकारी, मिस फोटोजेनिक इमरन श्रेष्ठ, मिस पर्सनालिटी रुविसा सिंह, बेस्ट वाल्क प्रिया क्षेत्री, मिस एक्याटिभ सिखा आचार्य, मिस फ्रेन्डसिप प्रनिका राउतले हात पारिन्।

एसईई उत्तीर्ण किशारकिशोरीहरुको क्षमता अभिवृद्धि गर्न यो प्रतियोगिता आयोजना गरिएको र एक महिनासम्म अनलाइन र १० दिनसम्म रेसिडेन्टियलरुपमा व्यक्तित्व विकास र आत्मविश्वास बढाउन विभिन्न कक्षा सन्चालन गराइएको इभेन्ट कोरियोग्राफर पवन आचार्यले जानकारी दिए।

कार्यक्रमका प्रमुख अतिथि राप्रपा पुर्व प्रवक्ता तथा उच्चस्तरिय कार्य सम्पादन समिति सदस्य गोविन्दराज खनिया थिए भने निर्णायकको भुमिकामा फेसन केरियोग्राफर , मोडल तथा नायक मिस्टर मोडल अफ द वोर्ल्ड दिक्पाल कार्की, मोटिभेनसनल स्पिकर रोहित मल्ल र मिस नेपाल एसईई तथा मोडल पायल गुरुड़ रहेका थिए ।

प्रतियोगिकाको कोरियोग्राफर रुपमा पवन आचार्य रहेका थिए।प्रतियोगीको मुख्य सहयोगी संस्था एस्. पि. एम कृयशन, चान्डवाग स्कुल, आरोग्य नेपाल, सिम्पान, गो प्रिटि नेपाल, द सेलिव्रटि टाइम्स, ग्लोबल अनलाइन पे, थ्रि एम, ग्रेस इन्टरनेसनल थिए भने ड्रेस डिजाइनरको भूमिकामा सिमोन पण्डित रहेकी थिइन भने कार्यक्रमको अध्यक्षता अभ्यानी प्रोडकसनका सिइओ अभिविन्द खनियाले गरेका थिए ।