मोटरसाइकलको ठक्करबाट सर्लाहीमा १ पैदल यात्रीको मृत्यु

काठमाडौं, पुस २१ – मोटरसाइकलको ठक्करबाट सर्लाहीमा एक जना पैदल यात्रीको मृत्यु भएको छ। बरहथवा नगरपालिका वडा नम्बर ९ पैतालिस बिगास्थित नयाँ रोड मधुवनी सडक खण्डमा मोटरसाइकलको ठक्करबाट ७० वर्षीय ज्ञानबहादुर तामाङको मृत्यु भएको प्रहरीले जनाएको छ।

बरहथवाबाट नयाँरोडतर्फ जाँदै गरेको बा ५८ प ४५३१ नम्बरको मोटरसाइकलले तामाङलाई सोमबार ठक्कर दिएको थियो।

उनलाई हरिवनमा प्राथमिक उपचार गरी थप उपचारका लागि वीरगञ्जतर्फ लैजाँदै गर्दा बाटोमै मृत्यु भएको प्रहरीले जनाएको छ।

ठक्कर दिने मोटरसाइकल चालक रामनगर गाउँपालिका वडा नम्बर १ खैर्वाका १७ वर्षीय शुसील गिरि र पछाडि सवार बसबरिया गाउँपालिका वडा नम्बर ६ चोर्वाका १८ वर्षीय जयराम यादव प्रहरीको नियन्त्रणमा छन्।