मोटरसाइकलमा आगो लगाएर भागेका युवक पक्राउ

काठमाडौं, ३ मंसिर – जिल्ला प्रहरी कार्यालय कास्कीले रातको समयमा मोटरसाइकलमा आगो लगाएर भागेका एक युवालाई पक्राउ गरेको छ।

जिल्ला प्रहरी कार्यालय कास्कीका सूचना अधिकारी प्रहरी नायव उपरीक्षक सुवास हमालका अनुसार पक्राउ पर्नेमा कास्कीको पोखरा महानगरपालिका–१७ बिरौटाका १९ वर्षीय दिवस रानाभाट रहेका छन्।

रानाभाटले गत कात्तिक २६ गते राति पौने १२ बजेको समयमा बिरौटाको शिशुनिकेतन मार्गमा पार्किङमा रहेका ग१२प ८६९८ नं.को बुलेट र ग७प ९७८८ नं. को होण्डा साइन मोटरसाइकलमा आगो लगाएर भागेका थिए।