यातायात कार्यालय सानो भर्‍याङका अधिकृत घुससहित पक्राउ

काठमाडौं, माघ २० – यातायात व्यवस्था सेवा कार्यालय सानो भर्‍याङ स्वयम्भूमा कार्यरत एक अधिकृत घुस रकम सहित पक्राउ परेका छन् । शिवलाल पौडेल घुससहित पक्राउ परेका छन् ।

अख्तियार दुरुपयोग अनुसन्धान आयोग टङ्गालबाट खटिएको टोलीले १३ हजार रुपैयाँ घुससहित अधिकृत शिवलाल पौडेललाई नियन्त्रणमा लिइएको हो । गाडीको कर र प्रदूषणबापतको रकम तिर्न पौडेलले सेवाग्राही दीपक खतिवडासँग घुस लिएको अख्तियारले जनाएको छ ।