यो पाली चाही पक्कै उठने हो: सौंरभ ज्योति

काठमाडौं, २६ मङ्सिर – ब्यवसायको क्षेत्रमा छुट्टै पहिचान बनाएका युवा उद्यमी तथा ज्योति घरानाका निर्देशक सौंरभ ज्योतिले आफु यसपालि नेपाल उद्योग वाणिज्य महासंघको एसोसियट उपाध्यक्षमा उठने तयारीमा रहेको खुलासा गरेका छन् । बुधबार आर्थिक पत्रकारहरुसँग भेटघाट गर्ने क्रममा उनले सो कुरा राखेका हुन । सौरभले त्यसो भन्दै गर्दा पत्रकारहरुले उनी माथि प्रश्न तेर्साउदै ‘पहीला पनि त उठछु भनेर छाडनु भयो त’ भन्ने कुरा उप्काए । भद्र र शालिन शैलीमा प्रस्तुत भएका ज्योतिले यसको प्रतिउत्तर दिने क्रममा हास्दै भने ‘मेरो कारणले त्यस बखतको टीमनै बिग्रने अवस्था श्रृजना हुनलागे पछि म पछी हटेको हो । यस पालि त्यसतो अवस्था नरहेको र महासंघमा ४ कार्यकाल विताई सकेकाले यस पालिको अवसर नछोड्ने नै हो’ उनको सटिक जवाफ थियो यो । तपाई नै नेतृत्वमा किन त भन्ने अर्को प्रश्नमा ज्योति भन्छन् ‘मेरो नेतृत्व महासंघलाई ब्यवसायीक हितका लागि मात्र काम गर्ने बनाउनु हो । देशमा ब्यवसायीक साथि भाईका निकै नै धेरै समस्या र अडचनहरु छन् । नितान्त त्यस्ता समस्याको निकासका लागि काम गर्ने परीपाटी बसाल्न म सबैसँग मिलेर लाग्नुपर्छ भन्ने मान्यता अनुरुप अव युवा पनि आउनु पर्यो नि हैन र’ प्रति प्रश्न सहितको उनले आफ्नो भनाई राखे ।