रसुवामा टिप्पर दुर्घटना, २ जनाको मृत्यु

काठमाडौं, वैशाख ३ – रसुवामा टिप्पर दुर्घटना हुँदा दुई जनाको मृत्यु भएको छ । एक जना घाइते भएका छन् । कालीका गाउँपालिका-२ स्याउबारीमा गएराति प्रदेश ३-०१-००६ ख १६८८ नम्बरको टिप्पर पल्टिँदा चालक त्यहीँ ठाउँका २५ वर्षका सागर तामाङको ज्यान गएको प्रहरीले जनाएको छ ।

दुर्घटनामा ज्यान गुमाउने अर्का व्यक्तिको परिचय खुल्न बाँकी छ ।  उनीहरुको जिल्ला अस्पताल रसुवामा उपचारका क्रममा ज्यान गएको प्रहरीले जनाएको छ ।