राष्ट्रिय वाणीज्य बैंकको ऋणपत्र रजिष्ट्रारमा आरविवि मर्चेन्ट बैंकिङ नियुक्त

काठमाडौं ।  राष्ट्रिय वाणीज्य बैंक लिमिटेडको ऋणपत्र रजिष्ट्रारमा आरविवि मर्चेन्ट बैंकिङ लिमिटेड नियुक्त भएको छ ।

बैंकले जेठ २५ गते मंगलबारबाट जेठ २८ गतेसम्म बिक्री खुल्ला गरेको ‘८.५% आरबीबीएल डिबेन्चर २०८३’ नामको ६ वर्ष अवधि भएको वार्षिक ८.५० प्रतिशत ब्याजदर भएको कुल २ अर्ब ५० करोड रुपैयाँ मूल्य बराबरको २५ लाख कित्ता ऋणपत्र व्यवस्थापनका लागि ऋणपत्र रजिष्ट्रारमा आरविवि मर्चेन्ट बैंकिङ लिमिटेड नियुक्त गरेको हो ।

अब उप्रान्त ‘८.५% आरबीबीएल डिबेन्चर २०८३ ऋणपत्र कारोबार सम्बन्धी अभिलेख राख्ने, दाखिल खारेज, नामसारी, रोक्का राख्ने लगायतका सम्पूर्ण कार्य आरविवि मर्चेन्ट बैंकिङ लिमिटेड मार्फत हुनेछ ।