लमही–कोइलाबासमा रु ६ करोड मुआब्जा वितरण

काठमाण्डौं —दाङको लमही–कोइलावास क्षेत्रमा पर्ने जग्गाका लागि करिब रु ६ करोड मुआब्जा वितरण गरिएको छ ।

जग्गा एकीकरण गरेर हुलाकी सडक कार्यालयले मुआब्जा वितरण गरेको प्रमुख जिल्ला अधिकारी गजेन्द्रबहादुर श्रेष्ठले बताए ।

मुआब्जाका लागि रु ३५ करोड आएको छ ।

मुआब्जा वितरण जारी रहेको बताउँदै प्रजिअ श्रेष्ठले कागजपत्र मिलेकाहरुले मुआब्जा पाइसकेको बताए ।

मालपोत र नापी कार्यालयबाट फाइल तयार हुन ढिला भएकाहरुलाई मुआब्जा वितरण ढिला भएको बताइएको छ ।

अहिलेसम्म ७ किलोमिटर मात्रै लमही–कोइलाबास खण्डमा कालोपत्रे भएको छ ।

— कारोबार