लागूऔषधसहित एक जना पक्राउ

काठमाडौं, फागुन १४- काभ्रेपलाञ्चोकको रोशी गाँउपालिका–९ मङगलटारबाट नियन्त्रित लागूऔषधसहित प्रहरीले एक जनालाई पक्राउ गरेको छ । जिल्ला प्रहरी कार्यालय काभ्रेपलाञ्चोकबाट खटिएको प्रहरी टोलीले सवारी जाँचको क्रममा बा ४ ख २२६७ नम्बरको हायस गाडीमा सवार सप्तरी सुरुङ्गा नगरपालिका–१० का २२ वर्षीय धर्मेन्द्र कुमार रामलाई प्रहरीले पक्राउ गरेको हो ।

उनको साथबाट प्रहरीले २ सय ५० एम्पुल डाईजेपाम, २ सय ४० एम्पुल बूर्फिनोर्फिन, २ सय ५५ एम्पुल फेनारगन बामद गरेको छ ।

उनलाई काभ्रेपलाञ्चोक जिल्ला अदालतबाट म्याद थप अनुमती लिई थप अनुसन्धान कार्य भईरहेको प्रहरीले जनाएको छ ।