विदेश पठाइदिने भन्दै २३ लाख ठगी

मोरङ, कार्तिक १६ – मोरङको कानेपोखरी–५ का २७ वर्षीय मनीष राजवंशी र २० वर्षीय मनीष कार्की क्यानाडा जाने प्रलोभनमा परी ठगिएका छन् । राजवंशी र कार्कीले गत वर्षको माघमा काठमाडौंको बुढानीलकण्ठ नगरपालिका वार्ड नं. ९ एकता बस्ती बस्ने असीम गुरुङलाई क्यानडा पठाउने सर्तमा २३ लाख रुपियाँ बुझाएका थिए ।

राजवंशी र कार्कीले पटक पटक ताकेता गर्दा पनि गुरुङले क्यानडा नपठाएपछि उनीहरू यतिबेला कानूनी सहयोग खोजिरहेका छन् । राजवंशी र कार्की छिमेकी हुन् । भदौ १० गते सम्ममा क्यानडा पठाउने वचन दिएका गुरुङले प्रयोग गर्ने ३ वटै मोबाइलको फोन स्वीच–अफ भएपछि उनीहरूको क्यानडा जाने जाने सपना तुहिएको हो ।

कार्की र राजवंशीले २३ लाख ठगिएको बताए पनि उनीहरुसँग ५ लाख रुपियाँ बुझाएको कागजात मात्र छ ।