विश्वभर एकैदिन थपिए ३ लाख ९७ हजार कोरोना संक्रमित

काठमाडौं, असोज ३० –  विश्वमा एकैदित ३ लाख ९७ हजार ४१९ कोरोना संक्रमित थपिएका छन् । वितेको २४ घण्टामा ६ हजार १ सय संक्रमितको मृत्यु भएको छ । विश्वमा कोरोना संक्रमितको संख्या ३ करोड ९१ लाख ५१ हजार १४४ पुगेको छ । कोरोना संक्रमणबाट मृत्यु हुनेको संख्या ११ लाख नाघेको छ ।

अहिलेसम्म ११ लाख २ हजार ४१८ ले ज्यान गुमाएका छन् । विश्वमा सक्रिय संक्रमितको संख्या ८६ लाख ८२ हजार ८२४ पुगेको छ । उनीहरुमध्ये ७० हजार ८७१ को अवस्था गम्भीर छ । २ करोड ९३ लाख ६५ हजार ९०२ जनाले कोरोनालाई जितेका छन् ।

सबैभन्दा धेरै संक्रमण फैलिएको अमेरिकामा एकैदिन ६५ हजार संक्रमित थपिएसँगै संक्रमितको कूल संख्या ८२ लाख १५ हजार १९९ पुगेको छ ।