वृज सिमेन्टद्वारा नेपाल स्टारका उत्कृष्ट ६का सिद्धान्त खड्कालाई आवास निर्माणको लागि सिमेन्ट हस्तान्तरण

काठमाडौं, फागुन ९ – नेपालको आफ्नै मौलिक सांगीतिक रियालिटी शो कार्यक्रम नेपाल स्टारको उत्कृष्ट ६ मा पर्न सफल सिद्धान्त खड्कालाई वृज सिमेन्टले उनको सपनाको घर बनाउन नेपाल स्टारको कार्यक्रममार्फत घोषणा गरेको वृज सिमेन्ट उपलब्ध गराएको छ । 

नेपाल स्टारको कार्यक्रममार्फत घोषणा गरेको कार्यक्रममा गायक सिद्धान्त खड्काको सम्पूर्ण आवास निर्माणका लागि चाहिने सिमेन्ट वृज सिमेन्टले उपलब्ध गराइदिने प्रतिबद्धता कार्यक्रम स्थलमा उपस्थित भई कम्पनीको कार्यकारी निर्देशक मोहित केडियाले प्रतिबद्धता जनाउका थिए ।

सिद्धान्त खड्का नेपाल स्टारको इटहरी अडिसनबाट नेपाल स्टारमा प्रवेश गरि उत्कृष्ट छैटौं स्थानबाट भोटको आधारमा बाहिरिएका थिए । नेपाल स्टारको पावर प्याक गायकको रुपमा सिद्धान्त खड्कालाई निर्णायकहरुले लिएका थिए । वृज सिमेन्ट इन्डष्ट्रिजले उनको झापा जिल्लाकोे केर्खामा अवस्थित आफनै निवासमा उद्योगको कारखाना रुपन्देहीबाट कम्पनीले स्वयं ढुवानी गरिदिएको हो ।

उक्त्त सहयोग पुष्पतारा केडिया सेवा फाउन्डेशनको सहकार्यमा वृज सिमेन्टद्वारा प्रदान गरिएको हो । स्मरणीय छ कि पुष्पतारा केडिया फाउन्डेशन स्वास्थ्य, शिक्षा, खेलकुद एवं साँस्कृतिक उत्थानको लागि कार्य गर्ने उद्देश्यका साथ स्थापना गरिएको गैर नाफामुलक सामाजिक संस्थाको रुपमा रहेको संस्थाले जनाएको छ ।