शून्य लागतमा कामदार पठाउने सहमति

काठमाण्डौँ — रोजगारदाताले नै सबै भर्ना खर्च बेहोर्ने गरी कामदार पठाउने सहमति स्रोत मुलुकले गरेका छन् ।

श्रम, रोजगार तथा सामाजिक सुरक्षामन्त्री गोकर्ण विष्टका अनुसार यसका लागि गन्तव्य मुलुकसँग द्विपक्षीय श्रम सम्झौता गर्न उनीहरू सहमति भएको जानकारी दिएका हुन् ।

उनका अनुसार वैदेशिक रोजगारका लागि कामदार पठाउने १२ देशहरूको बैठक (कोलम्बो प्रोसेस) मा यस्तो सहमति भएको हो ।

वैदेशिक रोजगार जाने हरेक चरणलाई व्यवस्थित, पारदर्शी, विधिसम्मत र न्यायपूर्ण ढंगले समाधान खोज्ने प्रयास भइरहेको उनको भनाइ छ ।

– कान्तिपुर