शेयर बजारमा एकै दिन दुई नयाँ रेकर्ड, झण्डै १९०० विन्दु नजिक, साढे ७ अर्ब बढीको कारोबार

काठमाडौं, मङ्सिर ११ – नेपाल स्टक एक्चेञ्ज (नेप्से)मा एकै दिन दुई नयाँ रेकर्ड कायम भएको छ । मंसिर ७ गते झण्डै ७ अर्बको कारोबार भएर नयाँ रेकर्ड कायम गरेको नेप्सेमा साताको अन्तिम दिन आज (बिहिबार) साढे ७ अबै बढीको कारोबार भएर अर्को नयाँ रेकर्ड कायम भएको छ । आज नेप्सेमा ७ अर्ब ६१ करोड ३० लाख ३० हजार ९१ रुपैयाको कारोबार भएको छ ।   

त्यस्तै आज शेयर बजारले इतिहासकै सर्वाधिक उचाइ कायम गरेको छ । ३ वर्ष लगातार घटेको शेयर बजार आज बिहीबार सर्वाधिक उचाइमा पुगेको हो । ब बिहीबार नेप्से सूचकले पुरानो रेकर्डलाई तोड्दै नयाँ रेकर्ड उचाइमा पुगेको हो । आज नेप्से १८. ३२ अंकले बढेर एक हार ८ सय ९३ दशमलब २४ विन्दुमा पुगेको छ ।