श्री एयरलाइन्सले आइतबार नयाँ विमान भित्र्याउँदै

काठमाडौं, साउन ३१ । निजी क्षेत्रको आन्तरिक हवाई सेवा प्रदायक कम्पनी श्री एयरलाइन्सले आइतबार नयाँ विमान भित्र्याउने भएको छ ।

श्री एयरलाइन्सका प्रवक्ता अनिल मानन्धरका अनुसार ८० सिट क्षमताको नयाँ जहाज आइतबार त्रिभुव अन्तराष्ट्रिय विमानस्थलमा अवतरण गर्ने भएको छ । मानन्धरका अनुसार क्यू४०० डास ८ जहाज क्यानडाबाट नेपाल ल्याउन लागिएको हो । यो जहाजले पोखरा, जनकपुर र सिमरामा उडान भर्नेछ ।

यस कम्पनीले हाल ४ ओटा जहाजबाट भद्रपुर, विराटनगर, राजबिराज, भैरहवा, नेपालगञ्ज र धनगढीमा आन्तरिक उडान गर्दै आएको छ भने ६ वटा एमआई १७ हेलिकप्टर मार्फत सेवा प्रदान गर्दै आएको छ ।