संक्रिय संक्रमितको संख्या ३१ हजार ३ सय १५ पुग्यो

काठमाडौँ, आश्विन २५ – पछिल्लो समय कोरोनाभाइरस संक्रमितको संख्या बढ्दो क्रममा रहेको छ । आजसम्म देशभरी सक्रिय संक्रमितको संख्या ३१ हजार ३ सय १५ पुगेको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार हाल संस्थागत आइसोलेसनमा देशभरी १३ हजार ६ सय ४९ जना रहेका छन् भने होम आइसोलेसनमा १७ हजार ६ सय ६६ जना रहेका छन् । यस्तै आज आईसीयूमा ३ सय २९ र भेन्टिलेटरमा ७६ जना संक्रमित उपचाररत रहेका छन् ।

आज १ हजार ५ सय ५२ जना संक्रमित मुक्त भएर घर फर्किएका छन् । यससँगै देशभर कोरोना निको हुनेको संख्या ७५ हजार ८ सय ४ पुगेको छ ।