सगरमाथामा जाङ्बुले फहराए टानको झन्डा

काठमाडौं, जेठ ४ – ट्रेकिङ एजेन्सीज एसोसिएशन अफ नेपाल (टान) को झन्डा सगरमाथामा फहराईएको छ । कीर्तिमानी पर्वतारोही जाङ्बु शेर्पाले टानको झन्डा सगरमाथाको शिखरमा फहराएका हुन ।

उनले मे ११ तारिक (वैशाख २८ गते) नेपाली समय अनुसार बिहानको करिब ६ः०५ बजे टानको झन्डा सर्वोच्च शिखर सगरमाथामा फहराएका थिए ।

टानको झन्डा सर्वोच्च शिखर सगरमाथामा फहराइएको सन्दर्भमा टान अध्यक्ष खुमबहादुर सुवेदीले खुशी व्यक्त गर्दै भने ‘यो हाम्रा लागि गर्व र खुशीको कुरा हो, विशेष गरी जाङ्बु र उक्त दलका शेर्पा दाजुभाइहरुप्रति हामी आभार प्रकट गर्न चाहन्छौं ।’

टानले जाङ्बुको सम्मानमा बिदाइ कार्यक्रम राखी टानको झन्डा हस्तान्तरण गरेको थियो ।