कर्पोरेट खबरका सम्पादक शाहमाथि आक्रमण

काठमाण्डौँ — कर्पोरेट खबरका सम्पादक उज्वलजंग शाहमाथि काठमाडौं मल परिसरमा आक्रमण भएको छ ।

मलमा रहेको फेसियल हाउसबाट निवास जाने क्रममा काठमाण्डौं मलका व्यवसायी प्रकाश कुमार श्रेष्ठ सहित ८र९ जनाको समूह आएर आक्रमण गरेको हो ।

आक्रमणबाट शाहको शरिरमा केही चोटपटक समेत लागेको छ ।
हाल उनको नर्भिक अस्पतालमा उपचार भइरहेको पारिवारिक श्रोतले जनाएको छ ।

यसअघि उनले मिडियामा काठमाडौं मलमा आर्थिक अपचलन भएको विषयलाई उठाउँदै आएका थिए ।

शाहमाथि आक्रमण हुँदा समेत नेपाल प्रहरीले पीडितलाई न्याय भन्दा पनि झन् पीडित बनाएको काठमाडौं व्यापार संघका अध्यक्ष सुक्ष्मा महराले जानकारी दिए ।