सुनको भाउ तोलामा ७ सयले बढ्यो

काठमाडौं, पुस १३ – सुनको भाउ तोलामा सात सय रुपैयाँले बढेको छ । आइतबार ९४ हजार दुई सयमा कारोबार भएको सुनको भाउ सोमबार ९४ हजार ९ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।

यस्तै आजका लागि तेजाबी सुनको भाउ ९४ हजार चार सय रुपैयाँ तोकेको छ । आइतबार ९३ हजार ७ सय रुपैयाँमा तेजाबी सुन कारोबार भएको थियो ।

सोमबार चाँदीको भाउ भने तोलामा ४५ रुपैयाँले बढेको छ । अघिल्लो दिन १२ सय ८० रुपैयाँमा कारोबार भएको चाँदीको १३ सय १५ रुपैयाँ तोकिएको छ ।