सुनको भाउले राख्यो नयाँ रेकर्ड, प्रतितोला ७६ हजार पुग्यो

काठमाडौं, पुस २१- सोमबार नेपाली बजारमा सुनको मूल्यले नयाँ रेकर्ड कायम गरेको छ । आइतवार प्रतितोला ७५ हजार ५ सय रुपैयाँ कायम भएको सुन आज फेरी पाँच सय रुपैयाँले बढेर नयाँ रेकर्ड बनाएको हो ।

सोमवार सुनको मूल्य प्रतितोला ७६ हजार रुपैयाँ पुगेको नेपाल सुनचाँदी व्यवसायी महासंघले बताएको छ ।

सोमवार तेजावी सुनको मूल्य पनि प्रतितोला पाँच सय रुपैयाँ बढेको छ । आइतवार प्रतितोला ७५ हजार २ सय रुपैयाँमा कारोबार भएको तेजावी सुनको मूल्यमा सोमवार पाँच सय रुपैयाँ बढ्दै प्रतितोला ७५ हजार ७ सय रुपैयाँ कायम भएको महासंघले बताएको छ ।

सोमवार चाँदीको मूल्यमा पनि प्रतितोला २० रुपैयाँ बढेको छ ।आइतवार प्रतितोला ९०० रुपैयाँमा कारोबार भएको चाँदीको मूल्यमा सोमवार २० रुपैयाँ बढ्दै प्रतितोला ९२० रुपैयाँ कायम भएको हो ।