सुनको मूल्य तोलामा ६ सयले घट्यो

काठमाडौं, ३० माघ-नेपाल सुनचाँदी व्यवसायी महासंघका अनुसार शुक्रबार सुनको मूल्य तोलामा ६ सय रुपैयाँले घटेको छ । शुक्रबार नेपाली बजारमा छापावाल सुनको मूल्य तोलाको ९० हजार ९ सय रुपैयाँ कायम भएको छ । यस्तै, तेजाबी सुनको मूल्य ९० हजार ४ सय रुपैयाँ कायम भएको छ ।

बिहीबार नेपाली बजारमा छापावाल सुनको मूल्य ९१ हजार ५ सय र तेजाबी सुनको मूल्य ९१ हजार रुपैयाँ प्रतितोला थियो ।शुक्रबार नेपाली बजारमा चाँदीको मूल्यमा भने सामान्य वृद्धि भएको छ । बिहीबारको तुलनामा चाँदीको मूल्य तोलामा ५ रुपैयाँले बढेको छ ।

बिहीबार प्रतितोला १ हजार ३ सय १५ रुपैयाँ रहेको चाँदीको मूल्य शुक्रबार १ हजार ३ सय २० रुपैयाँ कायम भएको नेपाल सुनचाँदी व्यवसायी महासंघले जानकारी दिएको छ ।