सुनको मूल्य प्रतितोला ३०० रुपैयाँले घट्यो

काठमाडौं, भदौ २१ – नेपाली बजारमा आइतबार सुनको मूल्य घटेको छ । नेपाल सुनचाद्यी व्यवसायी महासंघका अनुसार आइतबार ३ सय रुपैयाँ प्रतितोलाका दरले मूल्यम गिरावट आउँदै छापावाल सुनको मूल्य प्रतितोला ९६ हजार १ सय रुपैयाँ कायम भएको छ ।

यसअघि शुक्रबार छापावाल सुनको मूल्य प्रतितोला ९६ हजार ४ सय रुपैयाँ प्रतितोला रहेको थियो ।

आइतबार तेजावी सुनको मूल्य प्रतितोला ९५ हजार ६ सय रुपैयाँ कायम भएको महासंघले जानकारी दिएको छ । महासंघका अनुसार आइतबार चाँदीको मूल्य भने १० रुपैयाँले बढेको छ ।

शुक्रबार प्रतितोला १३ सय १० रुपैयाँ रहेको चाँदीको मूल्य आइतबार प्रतितोला १३ सय २० रुपैयाँ कायम भएको छ ।