सुनको मूल्य फेरि बढ्यो

काठमाडौं, असोज १३ – नेपाली बजारमा सोमबार स्थिर रहेको सुनको मूल्य आज बढेको छ । सोमबार सुनको मूल्य तोलामा ९३ हजार ३ सयमा कारोबार भएको आज तोलामा ९ सयले बढेको हो ।  

नेपाल सुनचाँदी व्यवसायी महासंघकाअनुसार आज छापावाल सुनको मूल्य प्रतितोला ९४ हजार २ सय कायम गरिएको छ भने तेजावी सुनको मूल्य ९३ हजार ७ सय निर्धारण गरिएको छ ।   

त्यस्तै, आज चाँदीको मूल्य पनि बढेको छ । आज चाँदीको मूल्य प्रतितोला ११७५ रहेको महासंघले जनाएको छ ।