सुनकोसीमा बस खस्दा १७ को मृत्यु

काठमाडौं,कार्तिक १८- सुनकोसी नदीमा यात्रुवाहक बस खस्दा कम्तीमा १७ जनाको मृत्यु भएको छ भने ५१ जना घाइते भएका छन् ।

मागा देउरालीबाट काठमाडौं जाँदै गरेको शैलुङ्गेश्वरीयातायातको बा२ख ७२४५ नम्बरको बस आइतबार मध्याह्न सिन्धुपाल्चोकको सुकुटेनजिकै सुनकोसीमा खस्दा पाँच बालबालिकासहित १७ जनाको मृत्यु भएको हो ।

मृत्यु हुनेमा १२ महिला र पाँच पुरुष रहेको सिन्धुपाल्चोकका डीएसपी माधव काफ्लेले जानकारी दिए । १५ जनाको घटनास्थलमा र दुई जनाको उपचारका क्रममा मृत्यु भएको थियो । नदीमा केही यात्रु बेपत्ता भएकाले मृतकको संख्या बढ्न सक्ने प्रहरी अनुमान छ । बस सडकबाट करिब २० मिटर तल नदीमा खसेको छ ।
दुर्घटनामा परेका मृतकको नाम, थर
रञ्जिता केसी, भीमेश्वर–९, दोलखा

सिसन तामाङ, शैलुङ्गेश्वरी–३, दोलखा

रत्नकुमारी राउत, शैलुङ्गेश्वरी–५, दोलखा

किरण राउत, शैलुङ्गेश्वरी–५, दोलखा

कविता राउत, शैलुङ्गेश्वरी–५, दोलखा

निखिल खड्का, शैलुङ्गेश्वरी–५, दोलखा

दिउन लामा, शैलुङ्गेश्वरी–४, दोलखा

निर्मला खड्का, शैलुङ्गेश्वरी–३, दोलखा

उरमाया मोक्तान, दोलखा

चमेली श्रेष्ठ, त्रिपुरासुन्दरी–४, सिन्धुपाल्चोक

सायारानी श्रेष्ठ, त्रिपुरासुन्दरी–४, सिन्धुपाल्चोक

चेतकुमारी बस्नेत, शैलुङ–५

सलिना तामाङ, शैलुङ–४

सुजिता तामाङ, रोशी गाउँपालिका–४, काभ्रे

(तीन जनाको सनाखत हुन बाँकी)