हिरोको नयाँ एक्सचेन्ज अफर मेला सिफलमा

काठमाडौं,माघ १८ – हिरो मोटरसाइकलले शुक्रबारदेखि राजधानीको सिफलमा नयाँ एक्सचेन्ज अफर मेला सन्चालनमा ल्याएको छ ।

हिरो मोटर कर्पको नेपालका लागि अधिकृत बिक्रेता नेपाल जनरल मार्केटिङले आफ्ना ग्राहकका लागि एक्सचेन्ज अफर ल्याएको हो । मेलामा शून्य प्रतिशत डाउन पेमेन्टमा हिरो बाइक उपलब्ध गराइएको छ ।

तीन दिनसम्म सन्चालन गरिने एक्सचेन्ज मेलामा सहभागीलाई मूल्यांकन रकममा १० हजार थप गर्ने कम्पनीले जनाएको छ । मेलामा २०० बाइक एक्सचेन्ज हुने कम्पनीको अनुमान छ ।

मेलामा हिरोका नयाँ मोडल एक्स पल्स टी र एक्स पल्स पनि राखिएको र यसबारेमा ग्राहकहरुलाई जानकारी गराइएको जनरल मार्केटिङका वरिष्ठ प्रबन्धक दिनेश बज्राचार्यले उल्लेख गरे ।