२४ घण्टामा थप २५५९ जनामा कोरोना भाइरसको संक्रमण पुष्टि, ५ जनाको मृत्यु, ४१० जना डिस्चार्ज

काठमाडौं, १० वैशाख – नेपालमा पछिल्लो २४ घण्टामा कोरोना भाइरसका २ हजार ५५९ जना नयाँ संक्रमित थप भएका छन् । बितेको २४ घण्टामा देशभर ८ हजार ७९८ जनाको आरटी–पीसीआर गर्दा २ हजार ४४९ जना र ८६६ जनाको एन्टिजेट परीक्षण गर्दा ११० जनामा संक्रमण पुष्टि भएको हो । यो सँगै नेपालमा कोरोना भाइरसबाट संक्रमित हुनेको संख्या २ लाख ९४ हजार ६०१ जना पुगेको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ४१० जना संक्रमित निको भएर अस्पतालबाट डिस्चार्ज भएका छन् । यो सँगै नेपालमा कोरोना भाइरसको संक्रमण निको हुनेको संख्या २ लाख ७६ हजार ७५५ जना पुगेको छ ।

पछिल्लो २४ घण्टामा ५ जना संक्रमितको मृत्यु भएको छ । यो सँगै हालसम्म नेपालमा कोरोना भाइरसको संक्रमणबाट मृत्यु हुनेको संख्या ३ हजार १२२ जना पुगेको छ ।

हाल देशभर सक्रिय संक्रमितको संख्या १४ हजार ७२४ जना छ । मन्त्रालयका अनुसार हालसम्म नेपालमा २३ लाख ८८ हजार २०० जनाको पीसीआर विधिबाट स्वाब परीक्षण गरिएको छ भने अहिले १४ हजार ७२४ जना आइसोलेसन र ७५ जना क्वारेन्टिनमा छन् ।