खोलामा आएको बाढीले बगाएर २ जनाको मृत्यु

काठमाडौं, भदौ २२ – सिरिजंघा गाउँपालिकास्थित नागदेवा खोलामा आएको बाढीले बगाएर दुई जनाको मृत्यु भएको छ । गएराती आएको बाढीमा परि तेल्लोकका राजु थेबे र विष्णुराज थेबेको मृत्यु भएको हो ।

गाउँपालिकाका अध्यक्ष टिका गुरुङले राजु थेबे जलविद्युत आयोजना पावरहाउसका कर्मचारी भएको जानकारी दिनुभयो । उनिहरु दुवैजनाको शव पावरहाउस मुनि बगरमा भेटिएको हो । बाढीले पावरहाउस बगाएपछि विद्युत आपुर्ति समेत बन्द भएको छ ।