डुम्रेमा मोटरसाइकल दुर्घटनामा एक विदेशी पर्यटकको मृत्यु

मदन तिमल्सेना

तनहुँ, १५ कार्तिक – तनहुँको डुम्रेमा मोटरसाइकल दुर्घटनामा परी नेदरल्याण्डका एक पर्यटकको मृत्यु भएको छ । मोटरसाइकल लिएर काठमाडौंबाट पोखरा घुम्न जाँदै गरेका ६५ वर्षीय डच नागरिक ज्याकप स्याकको दुर्घटनामा मृत्यु भएको हो । उनी सवार प्रदेश ३ । ०२ । ००५ प ७६०८ नम्बरको मोटरसाइकल बन्दीपुर ४ याम्पामा दुर्घटनामा परेको थियो । घटनामा घाइते स्याकको उपचारका क्रममा डुम्रेस्थित लक्ष्मी अस्पतालमा मृत्यु भएको प्रहरी नायब उपरीक्षक लिलाराज लामिछानेले जानकारी दिए । प्रहरीका अनुसार स्याक साथीसँग मोटरसाइकलमा घुम्न आएका थिए ।