सरकारले ६ जिल्लामा महिला सिडिओ खटायो

काठमाडौं मंसिर १९ – देशमा महिला प्रमुख जिल्ला अधिकारी (सिडिओ) को संख्या ६ पुगेको छ । सरकारले भक्तपुर,रामेछाप,पर्वत,सिन्धुपाल्चोक, जुम्ला र हुम्लामा जिल्लामा महिला सिडिओ खटाएको हो ।

सरकारले भक्तपुरमा हुमकला अधिकारी, रामेछापमा लिलाकुमारी केसी पाण्डे, पर्वतमा कल्पना घिमिरे नेपाल, सिन्धुपाल्चोकमा गोमादेवी चेम्जोङ, जुम्लामा दुर्गा बन्जाडे र हुम्लामा विनिता भट्टराइलाई सिडिओ खटाइएको हो।

यस्तै, सहायक महिला सिडिओहरूमा काभ्रेमा लक्ष्मीदेवी खतिवडा हुमागाईं, सिन्धुलीमा विजयाकुमारी प्रसाईं, रसुवामा सपनाकुमारी भट्टराई र डोल्पामा लक्ष्मीदेवी शर्मा कार्यरत छन्।