सिटी एक्सप्रेसको ७ दिनका लागी दशैं लक्षित निःशुल्क बस सेवा सुरु

काठमाण्डौँ — सिटी एक्सप्रेस मनी ट्रान्सफर प्रा.लि. ले नेपालीहरुको महान् चाड दशैंलाई लक्षित गरी ७ दिने निःशुल्क बस सेवा सुरु गरेको छ।

यो सेवा असोज १७ गते देखि २३ गते सम्म रहने प्रा.लि. ले जानकारी गराएको छ।

बस सेवा त्रिभुवन अन्तर्राष्ट्रिय बिमानस्थलबाट सुरु भई रिङ्गरोड परिक्रमा गर्नेछ।

वैदेशिक रोेजगारीकालागि विदेशिने नेपाली दाजुभाई तथा दिदीबहिनीलाई लक्षित गरी तथा महान् चाड दशैं मनाउन विभिन्न देशहरुबाट स्वदेश फर्किने यात्रुहरुलाई सहयोग पुगोस भन्ने उद्देश्य सहित सो सेवा सुरु गरिएको हो।

बस सेवाको उद्घाटन कम्पनिका प्रबन्ध निर्देशक चन्द्र टन्डन, कम्पनिका ब्राण्ड एम्वेस्डर सिताराम कट्टेल (धुर्मुस) र नेपाल आइडल सिजन २ का ११ टप फाइनलिस्टहरुले संयुक्त रुपमा रिबन काट्दै सेवा सुरु गरेका थिए।